"Ювентус" бош мураббийи Массимилиано Аллегри матбуот анжуманида қишки трансфер ойнасида таркибни кучайтириши мумкинлиги ҳақида савол олди.
"Трансферлар? Директорлар трансфер бозорини кузатиб туришади ва биз фақат кундалик ишларга эътибор қаратишимиз керак. Погба ва Фаджиоли тўрт-беш ойдан бери майдонга тушмаяпти, аммо жамоа ҳали ҳам ривожланмоқда. Биз ҳам худди шундай руҳда давом этишимиз керак”, - деди Аллегри журналистларга.
Айни дамда “Ювентус” Италия чемпионати турнир жадвалида иккинчи ўринни эгаллаб турибди. Массимилиано Аллегри шогирдлари пешқадам “Интер”дан атиги икки очко ортда қолмоқда.
