Москванинг "Локомотив" клуби БААда ўтказилган дастлабки йиғинни якунлади. Жамоа бош мураббий ушбу йиғин ҳақида фикр билдирар экан, клубнинг янги футболчиси Виталий Денисов ҳақида ўз фикрларини ҳам баён қилиб ўтди.

"Денисовни мен аввалдан билардим. Мен уни "Днепр"даги ўйинлари орқали кўрганман ҳамда у ҳақида унинг собиқ жамоадошлари Стринич ва Калиничдан сўраганман. У Россия ва Украина чемпиоантларида тўп тепган ва еврокубокларда иштирок этган тажрибали футболчи. Бундан ташқари, у ҳозир энг яхши футбол ёшида — 25 ёш. Жамоамизни Андрей Ешенко тарк этганидан кейин қанот ҳимоячиси жойи бўш қолганди. Ижарадан Ренат Янбаевни қайтарган бўлсакда, Виталийни "Локомотив"га таклиф этишга қарор қилдик. Шундай қилиб, ҳозир биз оптимал миқдордаги қанот ҳимоячиларига эгамиз. Чап қанотдан Денисов, Янбаев ва Циглер ўйнаши мумкин, ўнгда эса — Шишкин ва Янбаев. Денисов албатта рақобатни кучайтиради ва унинг "Локомотив"да пайда бўлиши бизнинг фойдамизга хизмат қилади", дейди Славен Билич.