"Милан" "Палмейрас" ҳимоячиси Вандерланни ёзда ўз сафига қўшиб олмоқчи, дея хабар беради Фабрицио Романо.
"Россонерлар" қишда Европа Иттифоқига аъзо бўлмаган ўйинчини сотиб олиши даргумон, чунки улар "Партизан"дан сербиялик Матия Поповични сотиб олишни режалаштирмоқда.
Шу билан бирга, манбанинг таъкидлашича, "Галатасарой" ва "Ренн" ушбу трансфер ойнасидаёқ 21 ёшли бразилиялик учун таклиф билан чиқишмоқчи.
Вандерлаан "Палмейрас" тарбияланувчиси бўлиб, 2022 йилнинг январидан бери асосий жамоа таркибида 51 та ўйинда 1 та гол урди ва 5 та голли узатмани амалга оширди.
