Суперлига янги мавсумига тайёргарлик режаси доирасида «Динамо» жамоаси мавсум олди 3-йиғинини ҳам Тошкентда бошлади.
Жамоа аъзолари Тошкентдан 29 декабр куни Самарқандга қайтиб, Янги йил байрамини ўтказишди ва бугун, 3 январдан яна пойтахтда ўқув-машғулот йиғинига киришди.
Вадим Абрамов бошчилигидаги бу сафарги йиғин 3-14 январ кунлари ўтказилиб, таркибга янги ўйинчилар келиб қўшилиши кутилмоқда. Шунингдек, «Динамо» бир қатор назорат ўйинларида майдонга тушади. 17 январда эса Бирлашган Араб Амирликларига жўнаб кетиб, Дубайда йиғин бошлайди.