Superliga yangi mavsumiga tayyorgarlik rejasi doirasida «Dinamo» jamoasi mavsum oldi 3-yig‘inini ham Toshkentda boshladi.
Jamoa a’zolari Toshkentdan 29 dekabr kuni Samarqandga qaytib, Yangi yil bayramini o‘tkazishdi va bugun, 3 yanvardan yana poytaxtda o‘quv-mashg‘ulot yig‘iniga kirishdi.
Vadim Abramov boshchiligidagi bu safargi yig‘in 3-14 yanvar kunlari o‘tkazilib, tarkibga yangi o‘yinchilar kelib qo‘shilishi kutilmoqda. Shuningdek, «Dinamo» bir qator nazorat o‘yinlarida maydonga tushadi. 17 yanvarda esa Birlashgan Arab Amirliklariga jo‘nab ketib, Dubayda yig‘in boshlaydi.
