“Челси” ҳимоячиси Трево Чалоба “Бавария”нинг радарида қолмоқда.
German Sky хабарига кўра, мюнхенликлар 24 ёшли футболчига яна қизиқиш билдиришган, улар ҳимоя чизиғига янги ўйинчи қўшиб олмоқчи.
"Бавария" футболчининг эҳтимолий трансфери бўйича алоқаларни ўрнатган. Чалоба Мюнхенга ижара асосида ўтиши мумкин.
2023/2024 йилги мавсумда Трево Чалоба олдинги жароҳати туфайли ҳали "Челси"да ўйнамаган. Ҳимоячи январ ойи охирида сафга қайтиши керак.
Қайд этиш жоиз, Чалобани нуфузли Трансфермаркт портали мутахассислари 18 миллион еврога баҳоламоқда.
