“Chelsi” himoyachisi Trevo Chaloba “Bavariya”ning radarida qolmoqda.
German Sky xabariga ko‘ra, myunxenliklar 24 yoshli futbolchiga yana qiziqish bildirishgan, ular himoya chizig‘iga yangi o‘yinchi qo‘shib olmoqchi.
"Bavariya" futbolchining ehtimoliy transferi bo‘yicha aloqalarni o‘rnatgan. Chaloba Myunxenga ijara asosida o‘tishi mumkin.
2023/2024 yilgi mavsumda Trevo Chaloba oldingi jarohati tufayli hali "Chelsi"da o‘ynamagan. Himoyachi yanvar oyi oxirida safga qaytishi kerak.
Qayd etish joiz, Chalobani nufuzli Transfermarkt portali mutaxassislari 18 million yevroga baholamoqda.
