"Динамо" клуби Суперлига янги мавсуми олдидан ўз таркибини кучайтиришда давом этмоқда.
"Динамо" жамоаси бугун, 5 январь куни Самарқанд футболи тарбияланувчиси, сўнгги икки мавсумни "Металлург"да ўтказган Дамир Темиров билан 2 йиллик шартнома имзолади.
25 ёшли яримҳимоячи 2021 йилда "Динамо" матбуот хизмати томонидан жамоанинг мавсумдаги энг яхши ўйинчиси деб топилган эди. Темиров сўнгги икки мавсумда Бекобод клуби сафида 45 ўйинда майдонга тушиб, 9 та голга муаллифлик қилган.
"Футболчилик фаолиятини жамоамизда бошлаган самарқандлик футболчи «Динамо» сафида янги марраларни забт этишига ишонамиз" - дейилади самарқандликларнинг расмий баёнотида.
