"Реал Мадрид"нинг немис ҳимоячиси Aнтонио Рюдигер одамларга фаол ёрдам бермоқда.
Marca нашрининг ёзишича, унинг шахсий ҳомийси - Under Armour компанияси билан ҳамкорликда Рюдигер Берлинга 1700 дона қишки кийим совға қилган.
Шу тариқа футболчи уйсизлар ва анча иссиқ кийим харид қила олмайдиганларга ёрдам берди. 2023/2024 йилги мавсумда Рюдигер "Реал Мадрид" сафида 24 та ўйинда майдонга тушган. Уларда ҳимоячи битта гол урди ва шеригига битта голли узатма берди.
Мадриднинг “Реал” клуби айни дамда Испания Ла Лигаси турнир жадвалида “Жирона” билан бирга пешқадамлик қилмоқда. Жамоалар ҳисобида 48 очко бор.
