Аргентина футболи афсонаси Диего Марадона Италия солиқ идоралари билан келишмовчиликда оқланди. Бу ҳақда журналистларга марҳум футболчининг адвокати Анджело Пизани маълум қилди.
Бир пайтлар "Наполи"да ўйнаган Марадона солиқ тўлашдан бўйин товлаганликда айбланган ва суд жараёни 30 йилдан ортиқ чўзилиб кетган. Энди, адвокат айтганидек, масала ниҳоят ёпилди - Марадона вафотидан кейин оқланди.
Диего Марадона 2020 йил 25 ноябрда вафот этди. Фаолиятини якунлаганидан сўнг футболчининг соғлиғида муаммолар пайдо бўлди. Марадона ҳатто спиртли ичимликлар ва гиёҳвандликдан даволанган.
1986 йилда Диего Марадона жаҳон чемпиони бўлганини қўшимча қиламиз.
