Франциянинг "ПСЖ" клуби бош мураббийи Луис Энрике жамоанинг қишки трансфер ойнасидаги эҳтимолий харидлари ҳақида фикр билдирди.
"Трансфер ойнаси? У 31-январда ёпилади, бугун эса 6-январь. Клуб, спорт директори, техник ходимлар: таркибни яхшилаш учун иқтидорларни жалб қилишга доим тайёрмиз, бу аниқ. Лекин яна бир бор айтаман: менда жуда юқори савияли таркиб бор, ҳар бир позицияга иккитадан футболчи", - деди Энрике клуб матбуот хизматига.
"ПСЖ" клуби қишки трансфер ойнасида илк харидини амалга оширди. Парижликлар Бразилиянинг "Сан-Паулу"нинг марказий ҳимоячиси Лукас Беральдо билан шартнома имзолади.
Айни вақтда Франция чемпионатида ўтказилган 17 та ўйиндан сўнг "ПСЖ" 40 очко билан пешқадамлик қилмоқда.
