Мадриднинг “Реал” клуби бош мураббийи Карло Анчелотти Испания кубоги 1/8 финалида “Арандина”га қарши ўйин (3:1) натижасини сарҳисоб қилди.

“Гюлер энг яхши жисмоний ҳолатда эмас, лекин у маҳорат кўрсатди ва унинг жамоа билан ўйнаши муҳим эди. У билан сабр-тоқатли бўлишимиз керак. У биринчи бўлимда ўз даражасини кўрсатди. Муҳими, у сафга қайтди, энди у жисмоний тайёргарлиги ва интенсивлиги жиҳатидан яхшиланиши керак. Аммо унинг характери бор.

Браим кўплаб ноаниқ паслар берди, аммо барча голларда ҳал қилувчи роль ўйнади. Биз ўйинни етарлича яхши бошладик, аммо кейин назоратни қўлдан чиқардик ва узатмаларимизда тез-тез хатога йўл қўя бошладик. Биз иккинчи бўлимда анча яхши ҳаракат қилдик", - дея Анчелотти сўзларини келтирмоқда Marca.

"Реал" Испания кубогининг 1/8 финалига чиқди. Жамоанинг рақиби кейинроқ аниқланади.