Madridning “Real” klubi bosh murabbiyi Karlo Anchelotti Ispaniya kubogi 1/8 finalida “Arandina”ga qarshi o‘yin (3:1) natijasini sarhisob qildi.
“Gyuler eng yaxshi jismoniy holatda emas, lekin u mahorat ko‘rsatdi va uning jamoa bilan o‘ynashi muhim edi. U bilan sabr-toqatli bo‘lishimiz kerak. U birinchi bo‘limda o‘z darajasini ko‘rsatdi. Muhimi, u safga qaytdi, endi u jismoniy tayyorgarligi va intensivligi jihatidan yaxshilanishi kerak. Ammo uning xarakteri bor.
Braim ko‘plab noaniq paslar berdi, ammo barcha gollarda hal qiluvchi rol o‘ynadi. Biz o‘yinni yetarlicha yaxshi boshladik, ammo keyin nazoratni qo‘ldan chiqardik va uzatmalarimizda tez-tez xatoga yo‘l qo‘ya boshladik. Biz ikkinchi bo‘limda ancha yaxshi harakat qildik", - deya Anchelotti so‘zlarini keltirmoqda Marca.
"Real" Ispaniya kubogining 1/8 finaliga chiqdi. Jamoaning raqibi keyinroq aniqlanadi.
