"Барселона" бош мураббийи Хави Эрнандес Илкай Гюндоганнинг жамоа учун аҳамияти ҳақидаги саволга жавоб берди.
Немис ярим ҳимоячиси Ла Лиганинг яқинда "Лас-Пальмас"га қарши ўйинида (2:1) 93-дақиқада пенальтини аниқ амалга ошириб, "блауграна"га ғалаба келтирди.
“Илкай жамоага кўп нарса олиб келади. Биз унинг қийин дамларда вазиятни ўзгартирганини кўрдик. У "Барселона"нинг индивидуаллигини таъкидлайдиганлардан бири. У ҳар доим ижобий муносабатда, уни осмондан совға деб аташ мумкин. Гюндоганнинг ўйини жуда яхши”, - деди Хави якшанба куни бўлиб ўтадиган Испания кубоги доирасида "Барбастро"га қарши ўйин олдидан.
