"Манчестер Юнайтед" ярим ҳимоячиси Каземиро ҳужумчи Расмус Хёйлуннинг ўйини ҳақида гапирди.

20 ёшли даниялик "Манчестер Юнайтед" сафига 2023 йилнинг августида келиб қўшилган - трансфер қиймати деярли 75 миллион еврони ташкил қилган. “Қизил иблислар” сафида 23 та ўйинда майдонга тушган форвард 6 та гол урган.

“Катта босим ўтказмаслигимиз керак, чунки у ҳали бола. Кўпчилик уни бир мавсумда дарҳол 30 ёки ундан кўп гол уриши керак деб ўйлайди, лекин у жуда ёш ва бу унинг Премьер-лигадаги биринчи йили. Расмуснинг келажаги порлоқ. Унинг амбицияларини билган ҳолда айтишим мумкин, у "Манчестер Юнайтед"даги даврни белгилаши мумкин", - дея Каземиродан иқтибос келтиради UTDDistict.