Озарбойжон терма жамоаси ва "Қорабоғ" клуби ҳимоячиси Максим Медведев azerisport.com сайтига берган интервьюсида Ўзбекистон миллий терма жамоаси ҳақидаги саволларга жавоб берди.
- Терма жамоамиз бир оёғи билан Жаҳон чемпионатида турган Ўзбекистон билан ўртоқлик ўйини ўтказади...
- Биламан, айтишларига қараганда, кучсиз рақиб эмас. Улар Японияни ютишган, биз эса мағлуб бўлганмиз. Ўйлашимча, оғир ўйин бўлади. Бизда муаммолар бўлса керак, негаки, ўйинга икки кун қолганда йиғиламиз. Бунинг устига асосий ўйинчиларимиз бўлмайди. Ёш ўйинчилар билан ҳам муносиб ўйин кўрсатишга ҳаракат қиламиз.
- Терма жамоамиз савияси Ўзбекистондан кучлими?
- Бу саволга жавоб бера олмайман. Ўзбекларнинг натижалари бу жамоанинг савиясини айтиб турибди. Бу — улар бизни мағлубиятга учратадилар, дегани эмас. Биз натижани ўйлашдан кўра, ўз футболимизни, ўйин усулимизни кўрсатишимиз керак. Ўйлашимча, эътиборимиз Лихтейнштейн билан ўйинга қаратилса керак. У пайтга келиб жамоа йиғиннинг кўп кунларини бирга ўтказган бўлади, ўйинчилар бир-бирларига ўрганиб олишади.
