"Манчестер Юнайтед" ҳужумчиси Жейдон Санчонинг сўнгги кунларда Дортмунднинг "Боруссия"сига қайтиши билан боғлиқ миш-мишлар кўпайди.
Бир қатор манбалар клублар ижаранинг барча тафсилотлари бўйича мавсум охиригача деярли келишиб олишганини айтишган, аммо таниқли журналист Флориан Плеттенбергнинг хабар беришича, айни дамда клублар муросага келишдан узоқда.
Томонлар ўртасида айрим келишмовчиликлар мавжуд, бироқ музокаралар жараёни иштирокчилари уларни бартараф этишга ҳаракат қилмоқда.
Aввалроқ «Манчестер Юнайтед» шартномага қайтариб сотиб олиш вариантини киритмоқчи эмаслиги, «Боруссия Дортмунд» эса қарама-қарши талабларни қўяётгани ҳақида хабар берилганди.
