“Челси” ярим ҳимоячиси Кристофер Нкунку яқин орада майдонга қайтади.

Эслатиб ўтамиз, 26 ёшли футболчи Aнглия кубоги доирасидаги “Престон”га (4:0) қарши ўйинни ўтказиб юборган эди.

Кейинчалик "Челси" бош мураббийи Маурисио Почеттино айтганидек, Нкункунинг сон қисмида муаммо бор эди ва у текширувдан ўтиши керак эди.

RMC Sport хабарига кўра, франциялик футболчининг жароҳати унчалик жиддий бўлмаган. Қайд этилишича, Нкункуга қисқа дам берилган, футболчининг кейинги ҳафтада майдонга қайтиши кутилмоқда. "Челси" таркибида Нкунку тўртта ўйинда битта гол урди.