Мюнхеннинг "Бавария" клуби ҳимоя марказида мустаҳкамловчи ўйинчиларни излашда давом этмоқда.
Журналист Натан Гиссинг берган маълумотларга кўра, Томас Тухель жамоаси Лондоннинг "Тоттенхэм" клубидан Эрик Дайердан ташқари, Франциянинг "ПСЖ" клубидаги Норди Мукиэле вариантини ҳам кўриб чиқмоқда.
Дайер ярим ҳимоя зонасида ва марказий ҳимояда ўйнашга қодир, Мукиэле эса ҳимояда мутлақо исталган позицияни қоплашга қодир.
"Бавария" франциялик футболчининг трансферини якунлаш истагида бўлишига қарамай, "ПСЖ" Нордини қўйиб юбормоқчи эмас, чунки ўнг қанот ҳимоячиси Aшраф Ҳакимий январь ойида Aфрика кубогида иштирок этади.
Эслатиб ўтамиз, 29 ёшли Дайернинг "Тоттенхэм" билан шартномаси мавсум охирида якунига етади.
26 ёшли Мукиэле "ПСЖ"да барқарор ўйин тажрибасига эга эмас, аммо клуб ҳимоячини қишда қўйиб юборишни истамаяпти.
