"ПСЖ" марказий ҳимоячиси Милан Шкриньяр Лига 1нинг сўнгги турида "Тулуза"га қарши ўйинда олган жароҳати туфайли бирмунча вақтни ўтказиб юборади.
L’Equipe маълумотларига кўра, словакиялик футболчи 3-4 ойни ўтказиб юборади. Эслатиб ўтамиз, Шкриньяр жароҳати туфайли тиззасини операция қилдиришга мажбур бўлганди.
Aгар ҳимоячи мавсумнинг қолган қисмини ўйнай олса, бу апрел ёки май ойларида содир бўлади. 28 ёшли Шкриньяр жорий мавсум бошланишидан олдин эркин агент сифатида "ПСЖ"га ўтди.
Марказий ҳимоячи аввалроқ 6 йил давомида Миланнинг “Интер” клубида тўп тепган ва у билан бир вақтлар A серияда ғолиб чиққан.
