Туриннинг "Ювентус" клуби шу ой ҳужумчиларидан бири билан хайрлашиши мумкин.
TuttoSport хабарига кўра, "кекса синёра" ҳужумчи Мойзе Кинни ижара асосида қўйиб юбориши мумкин.
Эслатиб ўтамиз, "Ювентус" ёзда Кин билан хайрлашмоқчи эди, бироқ манфаатдор клубларнинг ҳеч бири қулай ижара шартларини таклиф қила олмади.
“Кекса синёра” ҳали ҳам Мойзени доимий равишда сотиб оладиган янги жамоа топилишига умид қилмоқда.
23 ёшли Кин жорий мавсум Италия A Сериясида 12 та ўйинда майдонга тушди ва бирорта ҳам самарали ҳаракат қила олмади. Трансфермаркт форвардни 18 миллион еврога баҳоламоқда.