Тошкент вақти билан соат 19:00да бошланиши керак бўлган Тошкентнинг "Бунёдкор" ва Москванинг "Спартак" клублари ўртасидаги назорат баҳси техник сабаблар туфайли 20 дақиқа кеч бошланадиган бўлди.
Ҳар иккала жамоанинг асосий таркиби маълум бўлди.
Назорат ўйини
"БУНЁДКОР" - "СПАРТАК" (Москва, Россия) - 1:2.
Гол: Лутфулла Тўраев (84) — Артём Дзюба (29), Обухов (60)
Ноаниқ пенальти: Игорь Таран (84)
"Бунёдкор": Акбар Тўраев, Абдақаҳҳор Ҳожиакбаров, Анвар Ғофуров, Дилшод Жўраев, Саҳоб Жўраев, Жавлон Иброҳимов, Олег Зотеев, Лутфулла Тўраев, Шавкат Саломов, Камолиддин Мурзоев, Александр Пишур
Захира: Муроджон Зуҳуров, Зафар Сафоев, Сардор Собирхўжаев, Сардор Рашидов, Миразиз Жалолов, Миржамол Қосимов, Камолиддин Тожибоев, Баҳодир Пардаев, Игорь Таран
"Спартак": Сергей Песьяков, Евгений Макеев, Марек Сухи, Хуан Инсаурральде, Дмитрий Комбаров, Рафаэл Кариока, Ким Чельстрём, Хосе Хурадо, Дмитрий Каюмов, Ари, Артём Дзюба
Таъкидлаш лозим, "Бунёдкор"нинг кўпгина футболчилари миллий терма жамоаси сафида эртага Озарбойжонга қарши кечадиган ўйинга тайёргарлик кўрмоқда. Бу ўйин эса "Спартак" учун мавсумдаги илк назорат баҳси бўлмоқда.
"Бунёдкор"нинг ҳужумлари майдоннинг ярмидан ўтганидан кейин узилиб қолмоқда. Тўп билан кўпроқ россияликлар бўлишмоқда. Акбар Тўраев 2та вазиятда дарвозани голдан қутқариб қолди.
"Спартак"нинг кетма-кет ҳужумлари гол билан якунланди. Дмитрий Комбаров майдоннинг россияликлар томонидан тўпни қабул қилиб олиб, олдинга югуриб борди ва Хурадога узатди. У эса чиройли узатма билан Дзюбани дарвозабон билан бирга-бир вазиятга чиқариб юборди. Артёмнинг зарбасини Акбар қайтара олмади.
Ҳамдўстлик кубоги қаҳрамонлари — Каюмов ва Обуховларнинг қисқа узатмалари гол билан якунланди. Аслида Бухоро яқинида туғилган Владимир Обухов гол муаллифига айланди.
"Спартак" дарвозасига пенальти белгиланди. Пенальтини Игорь Таран дарвоза маркази бўйлаб тепди. Дикань зарбани оёқлари билан қайтарди. Тўп жарима майдончаси ташқарисига чиққанди, уни Лутфулла Тўраев эгаллаб олиб, дарвоза "тўққизлиги"га жойлади! 1:2.
Ўйин тугади.
