"Барселона" ҳимоячиси Андреас Кристенсен Данияда йилнинг энг яхши футболчиси деб топилди. Бу ҳақда Каталония клубининг клуб сайти хабар бермоқда.
"Бу мен учун жуда катта аҳамиятга эга, чунки овоз беришда профессионаллар иштирок этишди, уларнинг томонидан тан олинишим мен учун муҳим", - дея изоҳ берди Кристенсен муваффақияти ҳақида.
Кучли учликдан, “Тоттенхэм” футболчиси Пьер-Эмил Хёйбьерг, шунингдек, бунгача нуфузли кубокни беш марта қўлга киритган “Манчестер Юнайтед” ярим ҳимоячиси Кристиан Эриксен ҳам жой олди. Эслатиб ўтамиз, Кристенсен 2022 йилдан буён "Барселона"да ўйнаб келмоқда.