Каталониянинг “Барселона” клуби Испания кубогида “Барбастро” жамоасини мағлуб этди. Ўйинда голлардан бирини Каталония жамоасининг умидли ярим ҳимоячиси Фермин Лопес киритди.
Ажабланарлиси шундаки, у ушбу мавсумда клуб иштирок этаётган учта турнирда ҳам гол урган “Барселона”нинг илк футболчисига айланди. Фермин ЕЧЛда "Шахтёр" дарвозасига гол урган бўлса, Ла Лигада "Мальорка" дарвозасига йўл топган.
"Барселона" Испания кубогини ўттиз бир марта ютган, охирги марта 2021 йилда.