Лондоннинг “Арсенал” клуби ҳужумчиси Габриэль Жезуснинг Англия кубоги доирасидаги “Ливерпуль”га (0:2) қарши ўйинида олган жароҳати тафсилотлари маълум бўлди.
Фабрицио Романонинг ижтимоий тармоқлар орқали хабар беришича, бразилияликнинг жароҳати жиддий эмас. У тез орада тузалиб сафга қайтиши кутилмоқда.
2023/2024 йилги мавсумда ҳужумчи лондонликлар сафида барча турнирларда 21 та ўйинда иштирок этган. Габриэль еттита гол урди ва учта голли узатмани амалга оширди. Томонлар ўртасидаги меҳнат шартномаси 2027 йилнинг ёзида тугайди.
