"Бавария" бош мураббийи Томас Тухель "Тоттенхэм" ҳимоячиси Эрик Дайернинг Мюнхен клубига ўтиши мумкинлиги ҳақидаги саволга жавоб беришдан бош тортди.
"Инглиз! Сиз аллақачон бу саволни спорт директорига берганмисиз? Мендан ҳеч қандай изоҳ бўлмайди", - деб Тухелнинг сўзларини келтиради Sky Sports.
Aввалроқ 29 ёшли Дайер "Бавария" билан шахсий шартнома шартларини келишиб олгани ҳақида хабар берилганди.
Эслатиб ўтамиз, англиялик футболчи 2014 йилнинг ёзидан буён “Тоттенхэм” сафида тўп тепмоқда. Жорий мавсумда Дайер “шпорлар” сафида тўртта ўйин ўтказди ва уларда самарали натижа кўрсата олмади.
Трансфермаркт портали англиялик футболчини 12 миллион еврога баҳоламоқда.













