"Ньюкасл" жамоаси марказий ҳимоячиси Фабиан Шер билан шартномани узайтирди. Бу ҳақда жамоа матбуот хизмати хабар берди. Манбага кўра, томонлар 2024/2025 йилги мавсум охиригача ҳамкорлик қилишга келишиб олган.
“Бу жамоада ўзимни уйдагидек ҳис қиламан. Мен Ньюкаслда яшашимни жуда қулай ҳис қиламан, бу шаҳарни яхши кўраман. Мен клубда ўйнашни ва ажойиб мухлисларимизни хурсанд қилишни яхши кўраман. Мен уларни қанчалик севишимни ва уларнинг қўллаб-қувватлаши мен учун қанчалик муҳимлигини сўз билан тасвирлаб бера олмайман", - дея Шернинг сўзларини келтиради клуб матбуот хизмати.
Шер инглиз клубида 2018 йилдан буён ўйнаб келмоқда. Жорий мавсумда ҳимоячи барча турнирларда 28 та ўйин ўтказиб, битта гол урган.
