Ярим ҳимоячи Артуро Видаль эркин агент мақомига эга бўлди - унинг "Атлетико Паранаэнсе" билан шартномаси якунланди.

36 ёшли чилилик футболчининг кейинги клуби "Коло-Коло" бўлиши мумкин. Журналист Родриго Гомеснинг ижтимоий тармоқларда хабар беришича, Чили клуби раҳбарияти Видаль билан шартнома имзолаш учун таклиф юборган. Энди "Коло-Коло" футболчи билан шартнома шартлари бўйича музокаралар жараёнини бошлайди.

Айтиш жоизки, айнан "Коло-Коло"да Видаль футболчилик фаолиятини бошлаган. Энди машҳур ярим ҳимоячи ўз она клубига қайтиши керак. Эслатиб ўтамиз, Артуро Видаль аввалроқ Европада “Байер”, “Ювентус”, “Бавария”, “Барселона” ва “Интер” клубларида ўйнаган.