"Челси" бош мураббийи Маурисио Почеттино "Мидлсбро"га қарши бўлиб ўтадиган Лига кубоги ярим финали ҳақида ўз фикрлари билан ўртоқлашди.
Учрашув сешанба куни Чемпионшип вакили майдонида бўлиб ўтади. Жавоб ўйини 23 январга белгиланган.
"Энг муҳими, ярим финалда ўйнашдан завқ олиш, финалга чиқиш зарурлиги ҳақида ўйламаслик. Агар босим сезсангиз, фикрингиз тиниқ бўлмаса, футболни яхши ўйнай олмайсиз. Ярим финални ўйиндан завқ олиш ва ўзингизни кўрсатиш учун ажойиб имконият сифатида қабул қилишингиз керак. Финал ҳақидаги ўйлар бизни чеклаб қўяди”, — деди аргентиналик мураббий учрашув арафасида.
