"Манчестер Юнайтед" бош мураббийи Эрик Тен Хаг унинг жамоаси Англия кубогига жиддий ёндашишига ишонтирди.

Душанба оқшомида "МЮ" биринчи лига вакили "Уиган" устидан 2:0 ҳисобида ғалаба қозонди ва бунинг эвазига Англия кубогининг 4-босқичига йўл олди.

"Манчестер Юнайтед" кейинги ўйинни Англия профессионал лигаси тизимига кирмайдиган "Истли" ёки Иккинчи лигада ўйнайдиган "Ньпорт" билан ўйнашига тўғри келади, бироқ Тен Хаг кучли таркиб билан ва тўғри муносабатда ўйнашни олдиндан ваъда қилади, худди "Уиган"га қарши бўлиб ўтган ўйин каби.

"Бу ҳамма ғалаба қозонишни хоҳлайдиган жуда муҳим мусобақа. Ҳар бир мураббий ғалаба қозонишни хоҳлайди ва биз бунга жиддий қараймиз.

Бизда жуда кўп жароҳатлар ва касаллар бор эди, лекин биз барибир кучли таркибни майдонга туширдик. Бу яхши таркиб эди, шунинг учун биз ўзимизга ишондик ва бу ўйинда ғалаба қозонишимиз кераклигини ҳис қилдик.

Рақибингизни, айниқса, бу жамоани ҳеч қачон паст баҳоламаслигингиз керак. Биласизми, улар ўз ҳаётлари учун курашишади, чунки бу уларнинг ҳаётидаги ўйин. Биз ўйинни жуда яхши қабул қилдик", - деди Тен Хаг Daily Mail билан суҳбатда.