Мадриднинг “Реал” клуби “ПСЖ” ҳужумчиси Килиан Мбаппени сотиб олишни шошилинч вазифа деб ҳисобламайди.
Relevo хабарига кўра, клуб 2022 йилги воқеадан кейин футболчига ишонмайди.
Эслатиб ўтамиз, икки йил аввал томонлар франциялик футболчини Мадрид клубига ўтказиш бўйича музокаралар олиб боришганди, бироқ Мбаппе охирги лаҳзада "ПСЖ" билан шартномани узайтиришга қарор қилганди.
Жорий мавсумда форвард парижликлар жамоаси сафида барча мусобақаларда 23 та ўйин ўтказиб, 24 та гол урди ва 3 та голли узатмани амалга оширди. Унинг клуб билан шартномаси 2023/24 йилги мавсум охиригача амал қилади.
