Madridning “Real” klubi “PSJ” hujumchisi Kilian Mbappeni sotib olishni shoshilinch vazifa deb hisoblamaydi.
Relevo xabariga ko‘ra, klub 2022 yilgi voqeadan keyin futbolchiga ishonmaydi.
Eslatib o‘tamiz, ikki yil avval tomonlar fransiyalik futbolchini Madrid klubiga o‘tkazish bo‘yicha muzokaralar olib borishgandi, biroq Mbappe oxirgi lahzada "PSJ" bilan shartnomani uzaytirishga qaror qilgandi.
Joriy mavsumda forvard parijliklar jamoasi safida barcha musobaqalarda 23 ta o‘yin o‘tkazib, 24 ta gol urdi va 3 ta golli uzatmani amalga oshirdi. Uning klub bilan shartnomasi 2023/24 yilgi mavsum oxirigacha amal qiladi.
