"ПСЖ" ва Франция терма жамоаси собиқ ярим ҳимоячиси Жером Ротен юлдуз ҳамюрти Килиан Мбаппенинг келажаги ҳақида ўз фикрлари билан ўртоқлашди.
"Мбаппе ҳақидаги барча янгиликлардан аллақачон чарчаганман. У ҳали ҳам Францияда эканлигидан хурсандман. Умид қиламанки, Килиан шу ерда қолади. Биз дунёнинг энг яхши футболчиларидан бири, терма жамоа етакчиси ва сардорининг келажаги ҳақида гаплашамиз. "ПСЖ" лойиҳаси унинг атрофида қурилган. Мбаппенинг шартномаси муддати тугаши мен учун ажабланарли", - деди Жером.
25 ёшли ҳужумчининг парижликлар билан тузган меҳнат шартномаси 2024 йилнинг ёзида якунига етади. Жорий мавсумда Мбаппе Лига 1да 16 та ўйин ўтказиб, 18 та гол урди.
