Лондоннинг "Арсенал" клуби энди "Эвертон"нинг ҳимоячи ярим ҳимоячиси Амаду Онана учун курашда рақибга эга. Nieuwsblad Spor хабарига кўра, белгиялик ярим ҳимоячининг трансферига "канонирлар"нинг қўшнилари "Челси" ҳам қизиқиш билдирмоқда.
Аввалроқ, "Арсенал" ушбу трансфер ойнасида Онанани сотиб олишга тайёрлиги, футболчининг ўзи эса трансферга очиқлиги ҳақида хабар берилганди. Британия матбуоти хабарига кўра, трансфер суммаси 70 миллион евродан ошиши мумкин.
"Челси" 22 ёшли Онанани қўлга киритиш учун ҳали аниқ ҳаракатларни амалга оширгани йўқ. Амаду "Лилл"дан "Эвертон"га ўтганидан кейин Англия Премьер-лигасидаги иккинчи мавсумини ўтказмоқда.
