Испания футболи мухлислари Мадрид дербиси марафонига тайёргарлик кўришлари мумкин. "Реал Мадрид" ва "Aтлетико Мадрид" бир ойда учта ўйин ўтказади: Суперкубок, Кубок ва Испания чемпионатида. 10 январ куни пойтахт клубларининг илк ўйини бўлиб ўтади.

Учрашув олдидан Федерико Вальверде матбуотга мурожаат қилди. Журналистлар уругвайлик футболчидан 2020 йилги Испания Суперкубоги финалида Моратага қилган машҳур қўполлигини такрорлашга тайёрми ёки йўқлигини сўрашди.

Учрашувнинг асосий вақти 0:0 ҳисобида якунланган. Ўйиннинг энг муҳим эпизодларидан бири "Лос Бланкос" ярим ҳимоячисининг қоидабузарлиги бўлди.

115-дақиқада Мората Куртуа билан яккама-якка вазиятга чиққанди. Мадридликлар ҳимоясида Aлварони ушлаб қолиш имконияти йўқ эди, шунинг учун Вальверде экстремал қарорга келди - у Моратани жарима майдончаси яқинида йиқитди, бунинг учун у қизил карточка олди.

Пеналтилар сериясида Лос Бланкос рақибидан кучлироқ чиқди ва Федерико учрашувнинг энг яхши футболчиси деб топилди.

Валверде, агар керак бўлса, ўша қоидабузарликни такрорлашга тайёрлигини айтди:

"Aлбатта, мен буни яна қилган бўлардим. Aлбатта, бош билан ўйлаш керак, лекин агар жамоага ёрдам керак бўлса... Яна шундай қилган бўлардим, албатта. Мен жамоага ёрдам бериш учун ҳамма нарсани қилардим", – деди футболчи.