"Милан" ярим ҳимоячиси Рубен Лофтус-Чик жамоадоши Кристиан Пулишичнинг савияси ҳақида гапирди. Айнан у билан Рубен ўтган ёзда "Челси"дан Милан клубига ўтган эди.
"У фантастик ўйинчи ва мухлислар буни ҳозир кўришмоқда. У ҳар доим шундай бўлган, у "Челси"да яхши ишламаган, лекин "Милан"да у бошқача менталитетга эга эканлигини кўряпсиз, у бахтли ва жуда яхши ўйнайди. У бу мавсумда ўзининг голлари ва ўнг қанотдаги ўйини билан биз учун муҳим роль ўйнади. Ҳаммамиз умид қиламизки, у шундай гол уришда давом этади", - деди Лофтус-Чик Milan News билан суҳбатда.
Эслатиб ўтамиз, Лофтус-Чик 2023 йилнинг ёзида "Челси"дан "Милан"га кўчиб ўтганди. Ярим ҳимоячи "россонерилар" билан 4 йиллик шартнома имзолади. Милан клуби 27 ёшли футболчи учун 16 миллион евро тўлаган.
