"Мидлсбро" бош мураббийи Майкл Каррик Лига кубоги доирасидаги "Челси" устидан қозонилган ғалаба (1:0) ҳақида гапирди.
Чемпионшип жамоаси биринчи ярим финал учрашувида 37-дақиқада Хайден Хекни томонидан киритилган гол эвазига ғалаба қозонди. Жавоб ўйини 23 январь куни "Стэмфорд Бриж"да бўлиб ўтади.
"Ўйинчиларнинг бир-бирига ёпишиб олишлари ўзгача эди ва мен улар билан фахрланаман. Буни томоша қилиш ёқимли эди. Менимча, биз ўйинни жуда яхши бошқара олдик. "Челси" вазиятлар яратди ва баъзида омад биз томонда бўлди. Биздан ҳамма нарсадан озгина бўлиши керак эди. Бу мухлисларимиз учун қанчалик муҳимлигини биламан. Кўп бахтли одамларни кўриш жуда ёқимли. Биз бу оқшомдан завқ олишимиз керак, аммо олдинда жавоб ўйини бор. Биз тайёр бўламиз", - деди Каррик Sky Sports билан суҳбатда.
