"ПСЖ" президенти Носир Ал-Хелайфи Париж мэриясининг "Парк де Пренс" стадионини Қатарга сотишдан бош тортганига жавоб қайтарди.

"Биз Қатардан бўлганимиз учунми? Чунки биз арабмизми? Бу яхши эмас. Ўйлайманки, улар ҳатто қонуний жиҳатдан ҳам буни айта олмадилар. Бу жиддий. Адвокат нима дейишини билмайман, лекин бу жиддий. Биз Франциядамиз, озодлар юртидамиз. Менимча, буларнинг барчаси жуда жиддий.

Биз Париж учун кўп иш қилдик. "ПСЖ"ни кўриш учун Парижга қанча одам келади? Мен жуда кўп ўйлайман. Биз Францияга кўп сармоя киритдик, менимча, биз кўпроқ ҳурматга лойиқмиз. Мен Парижни яхши кўраман, мен бундан фахрланаман.

"Парк де Пренс" дунёдаги энг яхши стадион. Лекин мухлисларимиз Англиядаги каби майдонга яқинроқ бўлишлари керак. Биз ўйнаганимизда, биз дунёдаги энг яхши стадионлардан бирига эга бўлишни истаймиз ва биз сармоя киритмоқчимиз. Молиявий фэйр-плей ва инвесторларни ҳисобга олган ҳолда, бизда бошқа танлов йўқ. Агар улар уни сотишни истамасалар, биз бошқа стадионга кетамиз ва бу энг ёмон танлов бўлади", - деди Ал-Хелайфий RMC Sport билан суҳбатда.