8 январь куни “россонерилар” билан шартнома имзолаган 20 ёшли ўнг қанот ҳимоячиси Филиппо Терраччано қандай позицияларда ўйнашга қодирлиги ҳақидаги саволга жавоб берди.
"Мен ярим ҳимоячи сифатида ўйнай бошладим, бу менга ҳар доим ҳужумда ҳам, ҳимояда ҳам қатнашиш имконини берди, шу туфайли майдонда кўпроқ роль ўйнай бошладим. Кейин ҳимоячи сифатида мослашдим, бу йил турли позицияларда ўйнадим, шуни айтишим керакки, тез мослашдим. Менда мослашувчанлик бор: менга тайинланган ҳар қандай ўйин позициясига мослашиш даври жуда қисқа" - деди Терраччано "Milan TV"га берган интервьюсида.
Терраччано "Верона"дан "Милан"га кўчиб ўтди, трансфер суммаси 4,5 миллион еврони ташкил этди. Жорий мавсумда футболчи клуб учун барча турнирларда 19та ўйин ўтказди ва битта голли узатмани амалга оширди.
