8 yanvar kuni “rossonerilar” bilan shartnoma imzolagan 20 yoshli o‘ng qanot himoyachisi Filippo Terrachchano qanday pozisiyalarda o‘ynashga qodirligi haqidagi savolga javob berdi.
"Men yarim himoyachi sifatida o‘ynay boshladim, bu menga har doim hujumda ham, himoyada ham qatnashish imkonini berdi, shu tufayli maydonda ko‘proq rol o‘ynay boshladim. Keyin himoyachi sifatida moslashdim, bu yil turli pozisiyalarda o‘ynadim, shuni aytishim kerakki, tez moslashdim. Menda moslashuvchanlik bor: menga tayinlangan har qanday o‘yin pozisiyasiga moslashish davri juda qisqa" - dedi Terrachchano "Milan TV"ga bergan intervyusida.
Terrachchano "Verona"dan "Milan"ga ko‘chib o‘tdi, transfer summasi 4,5 million yevroni tashkil etdi. Joriy mavsumda futbolchi klub uchun barcha turnirlarda 19ta o‘yin o‘tkazdi va bitta golli uzatmani amalga oshirdi.
