Колумбия терма жамоаси вингери Жон Арьяс “Зенит”га ўтишдан бош тортди.
Ўтган йилнинг ноябрида “Зенит” Арьяс учун “Флуминенсе”га 12 миллион евро таклиф қилгани хабар қилинганди, бироқ колумбиялик футболчи Либертадорес кубоги якунига қадар трансфер масаласини муҳокама қилишни истамади.
Globo Esporte хабарига кўра, Арьяс Россия клубларининг Европадаги фаолиятини тўхтатгани сабабли “Зенит”га ўтишдан бош тортган. Колумбиялик футболчи еврокубокларда ўйнаш имкониятисиз РПЛда ўйнашни истамаяпти.
Қайд этилишича, “Зенит”дан бош тортган Арьяс “Флуминенсе”да қолади, чунки вингер учун бошқа таклифлар бўлмаган.