Kolumbiya terma jamoasi vingeri Jon Aryas “Zenit”ga o‘tishdan bosh tortdi.
O‘tgan yilning noyabrida “Zenit” Aryas uchun “Fluminense”ga 12 million yevro taklif qilgani xabar qilingandi, biroq kolumbiyalik futbolchi Libertadores kubogi yakuniga qadar transfer masalasini muhokama qilishni istamadi.
Globo Esporte xabariga ko‘ra, Aryas Rossiya klublarining Yevropadagi faoliyatini to‘xtatgani sababli “Zenit”ga o‘tishdan bosh tortgan. Kolumbiyalik futbolchi yevrokuboklarda o‘ynash imkoniyatisiz RPLda o‘ynashni istamayapti.
Qayd etilishicha, “Zenit”dan bosh tortgan Aryas “Fluminense”da qoladi, chunki vinger uchun boshqa takliflar bo‘lmagan.
