Жим Рэтклифф акцияларни сотиб олганидан кейин биринчи марта "Манчестер Юнайтед" ўйинига ташриф буюради.
Эслатиб ўтамиз, декабрь ойида "Манчестер Юнайтед" клубнинг 25 фоиз улушини британиялик миллиардер тахминан 1,25 миллиард фунт стерлингга сотганини расман эълон қилган эди.
Daily Mail нашри хабарига кўра, "Манчестер Юнайтед" акциядорига айланганидан кейин Рэтклифф барча даражадаги клуб ходимлари билан бир неча бор учрашган, шунингдек, Эрик тен Хаг билан музокаралар олиб борган. Бироқ келишувдан сўнг Ineos компанияси раҳбари бирор марта ҳам клуб ўйинларига бормаган - ўйинларда компания спорт директори Дэйв Брейлсфорд иштирок этган.
Рэтклифф якшанба куни "МЮ"нинг "Олд Траффорд"да "Тоттенхэм"га қарши ўйинига ташриф буюриши кутилмоқда.
