"Эвертон" "Манчестер Юнайтед" ва Тунис терма жамоаси ярим ҳимоячиси Ханнибал Межбрини ўз сафига қўшиб олмоқчи. Бу ҳақда журналист Фабрицио Романо ижтимоий тармоқда хабар берди.
Манба берган хабарга кўра, "Эвертон" раҳбарлари аллақачон "манкунианликлар" вакилларига 20 ёшли ярим ҳимоячини ижарага олиш таклифи билан мурожаат қилишган. Межбрининг ўзи яқинда "Севилья" фойдасига танлов қилди, "Лион" ва "Фрайбург"ни рад этди. Қайд этилишича, “Эвертон”дан тушган таклиф ёш футболчини қарорини ўзгартиришга мажбур қилиши мумкин.
Жорий мавсумда Межбри “Манчестер Юнайтед” сафида барча турнирларда 10 та ўйин ўтказиб, битта гол урди. Футболчининг амалдаги клуби билан шартномаси 2024 йилнинг июнь ойи охиригача амал қилади.
