Римнинг «Лацио» жамоаси энг ашаддий рақиби «Рома»ни минимал ҳисобда мағлуб этди, Маурицио Сарри шогирдлари Италия кубоги ярим финалига чиқди ва жамоа устози бунинг учун мухлисларга миннатдорчилик билдирди.
"Ўйин боши ёмон эди, лекин иккинчи бўлимда майдонда бутунлай бошқача ҳаракат қила бошладик. Ва натижа, менимча, адолатли. Қўллаб-қувватлагани учун жамоатчиликдан миннатдорман. Мени кейинги босқичдан кўра, оммага берилган завқ янада қувонтирди. Ҳамма ўнинчи осмонда эди", - деди Маурицио Сарри.
Римнинг «Лацио» клуби етти марта Италия кубогини қўлга киритган, охирги марта 2019 йилда.
