"Барселона" яқин йилларда ҳеч қандай шароитда сотилмайдиган учта футболчини аниқлади: Педри, Рональд Aраухо ва Гави. Diario Sport мухбири Тони Хуанмарти хабарига кўра "кўк-анорранглилар" ҳатто катта таклиф бўлса ҳам, уларни сотиш бўйича музокара олиб бормайди.
Aлбатта, учтаси ҳам бозорда катта талабга эга. "Бавария" Aраухони ўзига жалб қилмоқчи ва каталонияликларга ҳимоячи учун 100 миллион евро таклиф қилгани аллақачон маълум. Aммо бу трансферга на "Барса" ва на футболчининг ўзи қизиқмоқда.
Журналистнинг сўзларига кўра, ёзги мавсумда “Бавария” ва “ПСЖ” Педрини катта суммага сотиб олишга ҳаракат қилган, бироқ клуб ҳатто музокара ҳам ўтказмаган.
Каталонияликлар ҳам Гави бўйича бир нечта таклифларни рад этишга мажбур бўлишди, унга "бир нечта Премьер-лига клублари" даъвогарлик қилмоқда.
Катта трансфер "Барса"га ФФПдаги кўплаб қийинчиликларни ҳал қилишга ёрдам бериши мумкин ва клуб буни яхши билади.
