"Борнмут" ушбу трансфер ойнасида ҳужумчи Доминик Соланкени қўйиб юбормайди, деб хабар беради The Telegraph. Aнглиялик ҳужумчига "Ньюкасл" қизиқиш билдирган.
Манбага кўра, “Ньюкасл” “Борнмут”га расмий сўров юборган, бироқ рад жавоби берилган.
"Гилослар" бу қишда Соланкени сотмоқчи эмас. Доминик "Ливерпул"дан келганидан кейин 2019 йилдан бери "Борнмут"да ўйнамоқда.
Жорий мавсумда форвард “гилослар” сафида барча турнирларда 20 та ўйин ўтказиб, 14 та гол ва битта голли узатмани амалга оширди.
Футболчининг амалдаги клуби билан шартномаси 2027 йилнинг июн ойи охиригача амал қилади. Трансфермаркт интернет порталига кўра футболчининг тахминий нархи 25 миллион еврони ташкил қилади.
