"Bornmut" ushbu transfer oynasida hujumchi Dominik Solankeni qo‘yib yubormaydi, deb xabar beradi The Telegraph. Angliyalik hujumchiga "Nyukasl" qiziqish bildirgan.

Manbaga ko‘ra, “Nyukasl” “Bornmut”ga rasmiy so‘rov yuborgan, biroq rad javobi berilgan.

"Giloslar" bu qishda Solankeni sotmoqchi emas. Dominik "Liverpul"dan kelganidan keyin 2019 yildan beri "Bornmut"da o‘ynamoqda.

Joriy mavsumda forvard “giloslar” safida barcha turnirlarda 20 ta o‘yin o‘tkazib, 14 ta gol va bitta golli uzatmani amalga oshirdi.

Futbolchining amaldagi klubi bilan shartnomasi 2027 yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 25 million yevroni tashkil qiladi.