"Реал Сосьедад" ярим ҳимоячиси Мартин Субименди Испания Ла лигасини Англия Премьер-лигасига ўзгартириши мумкин.
Манба берган хабарга кўра, 24 ёшли испаниялик ярим ҳимоячи билан Англия чемпионатининг икки вакили қизиқиш билдирмоқда. Гап Лондоннинг “Арсенал”и ва Бирмингемнинг “Астон Вилла” клублари ҳақида кетмоқда. Мартиннинг трансфер нархи 50 миллион еврога баҳоланмоқда.
Жорий Испания чемпионатида Субименди 19 та ўйин ўтказиб, 4 та гол ва битта голли узатмани амалга оширган. Футболчининг клуб билан тузилган меҳнат шартномаси 2027 йилнинг ўрталарига қадар амал қилади.
