Кеча, 9-январь куни Римнинг "Лацио" клуби ўзининг 124 йиллигини нишонлади - клуб 1900 йилда ташкил топган.
Клуб футболчилари ушбу санани муносиб нишонлашди ва “Рома”ни минимал устунлик билан мағлуб этишди ва Италия кубоги ярим финалига йўлланмани қўлга киритишди.
Буни клуб президенти Клаудио Лотито ҳам таъкидлади:
"Клубнинг 124 йиллигига ажойиб совға. Пойтахтнинг биринчи жамоаси ўрнига муносиб ўйин. Диққатли, иродали, сифатли тўпланган ва камтар жамоа - бундай жамоа ҳар қандай рақиб билан курашиш имкониятига эга", - дея Лотитонинг сўзларини келтиради cittaceleste.it.
“Лацио” сўнгги бор 2019-йилда Италия кубогини ютганди.
